Daníel Eðvaldsson 10/6/16 Daníel Eðvaldsson 10/6/16

AGM SVÍÞJÓÐ 2016

Fimmtudaginn 19. maí 2016 héldu tveir galvaskir sexu félagar, (undirritaður og Guðjón Andri) af stað á AGM í Svíþjóð. Hófst ferðin með morgunflugi til Kaupmannahafnar og þar hoppað í lest þar sem leið lá til Riksmöte í Varnamo Wild Wild West. Lestarferðin tók ca. 3 klst og nokkra bjóra.

Komið var á áfangastað seinni part fimmtudags, tékkuðum við okkur inn á hótel. Við hittum þar marga góða Round Table félaga. Var okkur félugunum boðið í forseta kvöldverð, þar voru saman komnir formenn RT klúbba í Svíþjóð ásamt mökum og nokkrir vel valdir erlendir gestir. Þar var partý fram eftir nóttu.

Föstudagsmorguninn skoðuðum við okkur aðeins um í þessu frábæra kántrý þorpi sem innihélt veitingastaði, minjagripaverslun, hótel, risa tjaldstæði, búngalóa og allir lifðu sig inn í þetta umhverfi, hver í sínum búningi. Um miðjan daginn var strandpartý sem við kíktum í og röltum á milli tjalda og hjólhýsa. Um kvöldið var hópnum sem taldi 1400 manns skipt í nokkur partý þar sem við fengum mexikanskan mat.

Laugardagsmorgun var hefðbundinn aðalfundur þeirra Svía sem fór fram á ensku í upphafi fyrir erlenda gesti, gjafir voru veittar og eftir það var skipt yfir í sænskuna og yfirgáfum við þá fundinn. Röltum við um og heimsóttum dönsku, norsku og suður-afrísku vini okkar, endaði svo dagurinn með frábærum galadinner sem byrjaði með fordrykk í garðinum fyrir framan hótelið okkar. Í kvöldverð voru saman voru komnir 1400 RT og LC félagar.

Sunnudagur var heimferðardagur, áttum við pantað í lestina en fengum far í bíl með RT félaga sem býr í Malmö ásamt David DS frá Belgíu. Tókum smá rölt um miðbæ Malmö og kíktum á kaffihús, þrír þreyttir RT félagar. Tókum lestina svo yfir til Kaupmannahafnar og svo flug til Keflavíkur. Frábær helgi í góðum félagsskap og hvet ég alla sem ekki hafa farið á AGM erlendis að skella sér á eitt slíkt, fengum við frábærar móttökur.

Kær kveðja, sjáumst í Tablinu í vetur,

Guðmundur Jóh RT-6

Daníel Eðvaldsson 9/6/16 Daníel Eðvaldsson 9/6/16

Ferðasaga RT7 – Euromeeting Lyngby 2016

Tveir góðir sjöumenn (annar reyndar úr RT4 en fer alls ekki á Euromeeting nema hjá sjöunni) héldu af stað á Euromeeting í Lyngby í Danaveldi þann 12. maí 2016. Félagarnir hittust á Reykjavíkurflugvelli þar sem þeir voru pikkaðir upp af meistara Jóa úr RT2. Hann bauðst til að skutla okkur til Keflavíkur þar sem önnur plön höfðu brugðist. Snætt var í Keflavík og ýmislegt rætt áður en Jói hélt aftur í bæinn. Nokkrir kaldir teknir á samþykktum bar í Keflavík áður en við tókum blund í nokkra klukkutíma.

Við mættum snemma á KEF airport og var flogið til Köben með WOW air eftir eðlilegar seinkanir hjá þeim. Danirnir tóku á móti okkur á flugvellinum að sjálfsögðu með nokkra kassa af Tuborg grön sem við áttum alveg eftir að fá að smakka aðeins á yfir helgina ásamt öðru dönsku öli. Okkur, ásamt því liði sem var að mæta á svipuðum tíma var smalað upp í rútu og haldið á hótelið í Lyngby sem er í sveitinni rétt norður af Kaupmannahöfn. Eftir að við komum okkur fyrir og tekið stöðuna á liðinu á hótelbarnum var haldið í heimapartý þar sem vel var gert við sig í mat og drykk. Að loknum heimapartýum var öllu liðinu svo stemmt saman aftur á hótelbarnum þar sem mikið var dansað og partýinu haldið áfram fram eftir nóttu.

Vaknað var snemma á laugardagsmorgni og haldið í ráðhúsið þar sem skálað var við frú borgarstjórann í appelsínusafa og svo gengið um götur Lyngby. Síðan var svo haldið í bátsferð og aftur á hótelið þar sem undirbúningur hófst fyrir Bannerlunch.

Við Fengum frábært veður og aðeins meiri hita en við á Íslandi höfðum haft dagana á undan. Bannerlunch hjá dönunum tókst frábærlega og voru skemmtiatriðin flest hver mjög góð þetta árið. Pop star Jón Ingi fór á kostum og á endanum þurfti hlutkesti til þess að skera úr um það hvort við eða Svíarnir hefðum átt besta atriðið, sem því miður féll það með Svíunum. Old tablers partýið um kvöldið var haldið á svakalegu setri sem var í eigu dansks fasteignamógúls, frábær matur og nóg af fljótandi veigum. Flott teibl, mikið spjallað, dansað en sumir sofnuðu yfir eurovision!!

Aftur var vaknað snemma á sunnudegi, það var alveg merkilegt hvað félagarnir náðu að halda áætlun. Haldið var í stutta gönguferð undir leiðsögn og gengið á „fjall“ í nágrenni hótelsins. Já alveg merkilegt hvað Danir kalla „fjöll“. Næst var það danskur hádegismatur sem var að sjálfsögðu danskar pylsur og bjór, mjög góðar pylsur samt og bjórinn ekki slæmur. Leikirnir sem voru næstir á dagskrá voru færðir inn þar sem spáð hafði verið mjög mikilli rigningu. Rifjaðir voru upp gamlir góðir taktar í pool og borðtennis. Um kvöldið var svo Gala dinner sem haldinn var inni í Kaupmannahöfn. Morten góður félagi okkar frá Noregi var kosinn trúðurinn, það gladdi okkur mikið. Flott set up á Gala hjá Dönunum þar sem flakkað var milli hæða í sama húsinu í fordrykk, gala dinner og svo á ball þar sem mætt var live band sem spilaði mikla stuðtónlist og var mikið dansað og skemmt sér. Einhver missti úr buxunum á stigapallinn, alveg magnað kvöld.

Farewell brunch á mánudagsmorgni, aftur snemma og svo rúta á flugvöllinn eftir að búið var að kveðja liðið. Við tók erfið bið eftir fluginu heim og líklega lengsta og erfiðasta flugvallarröð sem við höfum upplifað, takk WOW air. Félagarnir þó mjög ánægðir með frábæra ferð.

Níels og Jón Ingi

Daníel Eðvaldsson 6/7/16 Daníel Eðvaldsson 6/7/16

Flottir Fimmu Félagar Fóru til Finnlands

Það voru hressir og sprækir fimmu félagar sem fóru til Finnlands 18. maí 2016 ásamt einum maka. Tilefnið var að mæta á aðalfund og árshátíð RT og LC í Finnlandi. Var fundurinn haldinn á Eskifirði Finnlands, Seinäjoki sem er um þrem og hálfum eða fimm tímum norðvestur af Helsinki um klst. frá Vassa.

Tekið var næturflug með Icelandair til Helsinki þar sem flestir náðu smá kríu enda veitti ekki af fyrir langa daga sem framundan voru. Tóku fjórmenningarnir bílaleigubíl og að sjálfsögðu var bíllinn uppgreitaður enda allir með snertu eða með greiningu að ADHD, hvatvísir og skemmtilegir. Tryggt var að bíllinn hafði stór skott og góðar græjur. Enda tónlistinn hjá Davíð hátt spiluð nánast alla leiðina.

Á fimmtudagsmorguninn tók stór teiblarinn Jari Hekkanen á móti okkur, fór með okkur í morgunverð og stutta skoðunarferð um Helsinki. Það var farið hratt yfir og margt skoðað, að undanskildum einum sem þurfti að versla já og það var ekki Aníta heldur konan í hópnum. Eftir fínt rölt um Helsinki og góðan verslunartrú þá var lagt í hann til Seinäjoki. Með tónlistina í botni, vindinn í hárið og á svörtu þrumunni þeyttist hópurinn til áfangastaðarins. Mikið um sögur, spjall, sprell sem upp skar oft mikinn hlátur. Enginn slasaðist alvarlega á sálinni í þessu góða hóp.

Þegar til Seinäjoki var komið skráðu fjórmenningarnir sig inn á AGM-ið og hótelið. Hittum hópinn og arfaslakann IRO hann Toni 200. Fyrst voru teknir drykkir á barnum og svo átti að labba um 200 til 300 metra leið frá hótelinu að THE LOVE BOAT (sem vil reyndar náðu aldrei af hverju var skýrt því nafni) sem haldið var í drullu dalli sem heitir „Barpuuri“. Það var gamall fljótabátur sem haldin eru partý í og var það fínasta partý.

Föstudagurinn var tekinn nokkuð snemma og farið í ferð sem kölluð var “Seinäjoki By Day” og var borgarrölt. Leiðsögnin var mest á höndum erlendu teiblarana og voru Auðunn og Þórhallur fengnir til að segja frá staðháttum og byggingum. Þórhallur fór með þennan stutta texta nánast utanbókar og Auðunn fór vel úr hendi að klára sinn hluta. Auðunn sagði 100% rétt frá í helming tilfella eins og sannur teiblari gerir og var flottur. Að skoðunarferðinni lokinni var farið í Finnskan hafnarbolta. Fengnir voru þrír leikmenn frá bæjarliðinu ásamt þjálfara. Farið var yfir leikreglur og léttar æfingar teknar. Að því búnu voru teknir leikir milli þriggja liða. Skemmtileg afþreying og góður dagur í 20°C til 23°C hita. Í lok dags fóru menn heim að undirbúa sig fyrir ”Ostrobothnian Feast” eða sveitalarfa partýið. Mjög skemmtilegt partý sem sýnir að Finnar kunna að skemmta sér. Hægt var að slá hokkýpökk í mark, kassabílarallý þar sem braut var sett upp og sex bílar voru, þeir sem ekki voru mikið drukknir gátu farið upp á sjö metra hátt svið og skottið niður af því á loft dýnu, hægt var að kaupa hnífa, já hnífa. Hver er ekki með svoleiðis í föstudagspartýi? Eitthvað sem við íslendingar ættum ekki að læra af vinum okkar í Finnlandi. Að sjálfsögðu fengu þeir þessa fínu hljómsveit og DJ tók við í lokinn. Þeir spiluðu öll vinsælustu lög Finnlands en það virtist vera þema þeirra að hafa bara finnsk lög sem vandist en mjög erfitt að syngja með. Um kvöldið hittum við Hannes þennan fína bónda sem var aldeilis í stuði og mætti í fjósagallanum. Skreytingar voru landbúnaðartæki, mjaltabrúsar frá fyrri tíð, myndir úr hérað sem sýndu landbúnar fyrir 30 árum plús og mikið að heimagerðum teppum. Einnig var gaman að fara inn í rúturnar þar sem frambjóðendur til varaforseta RTFinnland voru með ásamt þeim sem voru með næstu fulltrúaráðshelgar og næsta AGM. Mikil tónlist og gefins áfengi. Þetta voru einar þrjár rútur, einn húsbíll og stór sendibíll. Mikið stuð og mikið gaman.

Á laugardeginum var dagurinn tekinn nokkuð snemma og farið var í heimsókn á aðalfund RTFinnland sem var skemmtilegt. Það kynntu allir erlendu gestirnir sig og einnig voru nokkrir með kynninga um viðburði í sínu heimalandi fyrir RTFinnland, það hefði verið magnað að vera með kynningu frá Íslandi.

Að því loknu var farið í „fjallgöngu“ þar sem hópnum var keyrt upp á hæðsta hól í Seinäjoki og gengum við síðustu 100 metrana. Skemmtilegur dagur þar sem maður náði að kynnast erlendu gestunum. Boðið var upp á ketilkaffi með og án styrkingar. Að því loknu átti að fara í Bannerlunch. Eitthvað klikkaði hann því eftir rúmlega tveggja klst bið var erlendu gestunum boðið inn í hliðarsal þar sem Toni og Kai skiptust á fánum við erlendu gestina, stutt þurrt og leiðinlegt. Það hafði sennilega áhrif öll þessi bið en aðalfundurinn þeirra dróst á langinn og svo var ekki tími til að hitta okkur þar sem að landsleikur Finnlands og Rússlands var að byrja, sem Finnland vann. Því þurfti að sleppa nokkrum atriðum eins og sauna sem ekki var hægt að fara í því að næst tók við forsetafordrykkur í boði bæjarstjórans og varaforseta bæjarstjórnar í Seinäjoki sem haldinn var í Törnävä Mansion. Var fordrykkurinn á fallegum stað, yfirvegaður og fágaður. Þar skemmtu allir sér vel og var góð blanda af LC og RT ásamt erlendum gestum. Vel heppnaður viðburður. Það voru þó ekki allir sem slepptu Sauna því þegar fjórmenningarnir voru prúðbúinn að fara í forsetafordrykk í Törnävä Mansion steig út úr einu herberginu nakinn finni sem ætlaði ekki að missa af sauna fyrir kvöldið. Hann var með hliðartösku með handklæði og snyrtivörum en var klár í gufubaðið enda ekki nema einir 200 metrar af hótelgangi frá herberginu. Hver vefur um sig handklæði fyrir svo stutta göngu. Ekki þóttu strákunum mikið til koma enda vanir að sjá nakta karla en Anítu fannst þetta frekar sérstakt og þrátt fyrir að hneykslast þá flissaði hún nú smá (hátt fyrir þá sem þekkja hana).

Að því loknu fór hópurinn á GALAkvöldið sem heppnaðis vel. Að sjálfsögð var nóg af Finnskri popptónlist, keðjuskipti, engir hnífar þetta kvöldið, dansað á borðum og stólum í galadressinu. Skemmtilegt kvöld sem fór vel fram.

Þrátt fyrir að hafa keypt Brunch og ferðalanganir fjórir úr fimmunni voru klárir að mæta var hætt við hann, Finnarnir sennilega og þreyttir eftir erfiða en skemmtilega daga, var dagurinn tekinn snemma og lagt í hann til Helsinki. Einhverjir versluðu meira, aðrir fóru í rómatíska gönguferð. Auðunn og Davíð fóru svo heim á mánudeginum en hjónin Þórhallur og Aníta dvöldu degi lengur og skoðuð sig um í Helsinki.

Magnaðasti hópur ársins hel ánægður með ferðina og sérstaklega félagsskap hvors annars. Það er frábært að fara saman í svona ferðir og hvetjum við alla þá sem hafa tækifæri til að skella sér í erlenda starfið.

Fjögur flottu úr fimmunni – Auðunn Níelsson, Aníta Pétursdóttir, Davíð Kristinsson og Þórhallur Harðarson.

Ps. Að lokum – nokkrir voru bugaðir á sunnudeginum, þá leggur maður sig bara í lobbýinu:

Það voru ekki allir til í að dansa upp á borðum, þessi var t.d. ekki í miklu stuði.

Ef þú hefur lesið alla leið hingað þá er skemmtilegur leikur í gangi. Í pistlinum og fyrirsögninni Flottir fimmu félagar fóru til Finnlands, hvað eru mörg F í því? Verðlaun fyrir rétta svarið sem skrifað er í comment hér fyrir neðan.

Daníel Eðvaldsson 3/31/16 Daníel Eðvaldsson 3/31/16

Ferðasaga til Tallin

Ferðin okkar til Tallinn í Eistlandi hófst á akstri frá Akureyri til Reykjavíkur síðdegis 3. júní eftir langa vinnudag. Við félagarnir (Sigurður Óli og Rúnar) vorum vel spenntir fyrir þessari ferð en um var að ræða sameiginlegan ársfund (AGM) hjá Roundtable í Eistlandi og Lettlandi (AGM- LAT / EST). Þetta var fyrsti alþjóðlegi viðburðurinn okkar í Roundtable og vonandi ekki sá síðasti vegna þess að við skemmtum okkur konunglega. Þegar komið var á Keflavíkurflugvöll rétt um miðnætti (næturflug) þá var byrjað á viskí kynningu í boði Rúnars, en okkur þótti tilvalið að undirbúa okkur fyrir þessa ævintýraferð með smá smakki á alþjóðlegum viskítegundum. Á flugvellinum hittum við Gulla (Gunnlaugur Kárason) frá RT10, sem var líka að fara til Tallinn á Euromeeting og svo einnig á AGM- LAT / EST. Við flugum frá Keflavík til Stokkhólms þar sem við hittum tvo hressa teiblara frá Svíþjóð fyrir algjöra tilviljun sem voru að fara með sama flugi til Eistlands í Euromeeting (RT10). Við hittum líka teiblara frá Finnlandi á flugvellinum sem var þó bara á eigin vegum en svo virðist sem við í RT höfum mikið net sem dreifir sér víða. Ég er enn að spá hvernig flugfreyjurnar gátu sýnt okkur svona mikla þolinmæði á meðan á fluginu stóð til Tallinn!

Þegar við komum til Tallinn vorum við sóttir af eistnesku vinum okkar, Viljar Vaht og Christian. Þeir skutluðu okkur heim til Viljars þar sem við vorum í heimagistingu meðan á dvölinni í Tallinn stóð. Við losuðum okkur við töskurnar og hittum svo hópinn fyrir Euromeeting (RT10) á hóteli í miðbænum. Við fylgdum þeim teiblara hópi eftir hádegið og tókum þátt í pre-tour hjá þeim þar sem m.a. var farið á skotsvæði og ýmsar byssur mundaðar (AK-47, Magnum, Berretta o.fl.). Síðan fórum við niðrí bæ í drykk og smá skoðanaferð og loks kvöldmat með Viljar og Christian. Eftir kvöldmat var komið að barskriði (e. barcrawl) þar sem við sameinuðumst aftur teiblurunum frá Euromeeting RT10. Við fórum á sérstakan G&T bar, sérstakt microbar, skot-bar (ahhh hverjum fannst það góð hugmynd). Við vorum með ábrygan vin í honum Viljar sem var í eins árs áfengisbindindi…sem var gott því við vorum það ekki. Auðvitað færðum við honum svo íslenskt áfangi og RT varning fyrir heimagistinguna, hann ætti að vera búinn að smakka það einhvern tíma seinna á þessu ári.
Daginn eftir tókum við mini-rútu á staðinn þar sem AGM viðburðurinn var haldinn í Kääriku, sem staðsett er í Suður Eistlandi um 230 km frá Tallinn og 200 km frá Riga (3,5 klst akstur frá báðum stöðum). Þetta var s.s. “In the middle of nowhare!” Bílstjórinn okkar á leiðinni var Mihkel úr RT5 Eistlandi, hann var fyndinn með fullan poka af góðum og slæmum sögum. Við sóttum líka á flugvöllinn Kaj Kostiander forseta RT í Finnlandi og nú varaforseti RTI (aka “the lion in Zion”). Þegar við mættum var í gangi körfuboltaleikur milli Eistlands og Lettlands. Hörku leikur sem Eistarnir unnu að lokum. Þá var bara að slaka á í fallegu veðri og fá sér nokkra drykki og kynnast fólkinu sem varð komið á staðinn. Viðburðurinn var bæði fyrir RT og LC og því um side-by-side viðburð að ræða. Á föstudagskvöldinu var svo welcome party og var þemað Jamaica. Við félagarnir höfðum þegar útvegað okkur búninga sem eru magnaðir og og kvöldið var alveg legendary! Það kom meira að segja Bob Marley tívfari á svæðið til að syngja vinsæl Raggae lög alla nóttina! RTI varaformaður okkar hann Kaj kom í þröngum ljónabúning, sumir lesa einfaldlega ekki memo-ið (aka “the lion in Zion”)! Á laugardeginum 6. júní var aðalfundurinn haldinn en þar sem hann var bara á einstnesku og lettnesku þá komum við bara inn á viðburðinn sem var fyrir alþjóðlaga gesti til að kynna sig. Við kynntum AGM fundinn okkar á Íslandi sem er núna í vor ásamt fleiri alþjóðlegum viðburðum hjá RT og LC á Íslandi. Eftir það var alþjóðlegu gestunum boðið upp á ýmislegt eins og teyjustökk og göngu um svæðið. Þá var banner-lunch í hádeginu þar sem við ásamt Gulla úr RT10 fórum uppá svið og skiptumst á fánum við gestgjafana. Falleg stund! Eftir það fórum við í sundskýluna ásamt öðrum teiblurum og stukkum út í stöðvatn sem var þarna nærri, slökuðum svo bara á fram að gala-kvöldverðinum.

The galakvöldverðurinn var standandi veisla (ekkert hentugt) með fjöldan allan af ræðum og mikið skálað eins og venja er. Við héldum áfram að breiða út góðan orðstýr RT5 með því að auglýsa AGM hjá okkur og svo bara hitta fullt af skemmtilegu fólki. Maturinn var kannski ekki sá besti en við nutum okkar samt vel og vorum í raun komnir snemma í bólið. wink emoticon Þarna á lokakvöldinu þurftum við að finna einhvern teiblara frá Lettlandi sem gæti skutlað okkur til Riga daginn eftir því flugið okkar var þaðan. Við fundum nokkrar gaur sem hét örugglega Janis sem hafði lofað okkur fari en þegar við vorum að tékka okkur út af hótelinu var hann farinn. Á þessum tímapunkti vorum við örlítið áhyggjufullir en þá hittum við annan letta, Andris Paeglitis sem bauð okkur far. Hann var með konu sinni og við vorum þunnir/fullir að reyna að halda uppi samtali (Rúnar) eða ekki (Siggi). Eftir 4 klukkustundaferð í hita og þynku komum við að einhverjum kastala þar sem við stoppuðum og settum á okkur túristagleraugun. Síðan vorum við mættir seinnipartinn um daginn til Riga og smelltum okkur strax í miðbæinn að skoða. Riga er skemmtileg borg en þar náðum við loksins að hlaða batteríinn og fengum okkur góðan hamborgara. Á leið til baka á hótelið villtumst við en okkur tókst að rata í myrkrinu með GPSinu í símanum hans Sigga sem var alveg að verða straumlaus. Við sváfum fast við dynjandi kynferðislegar stunur úr herbergi nágrannans á hótelinu en um morgunin var komið að aðskilnaði. Ég (Rúnar) þurfti að taka flug til Gotlands vegna vinnuferðar, en Siggi átti flug aftur heim í gegnum Ósló. Þetta var frábær ferð og bara byrjun okkar á alþjóðlegum ævintýrum í Roundtable.

Daníel Eðvaldsson 10/7/15 Daníel Eðvaldsson 10/7/15

The Nordic Tablers Meeting 2014 – It’s An Empire State of Mind

Á þriðjudeginum 18. nóvember lá leið mín á mitt fyrsta NTM sem að þessu sinni var haldið í New York. Því var töluverð tilhlökkun hjá mér þegar ég mætti upp á flugvöll, ekki síst vegna þess að þetta var í fyrsta skipti sem ég fer til Bandaríkjanna. Ég hafði sótt um og fengið ferðastyrk Round table til þess á fara á þennan fund. Ég fór á þriðjudegi, sem var snemmt, þar sem ég vildi meiri tíma til að skoða borgina.

Eftir að hafa hlustað á margar sögur af ferðum teiblara erlendis þá vissi ég að það væri venjan að gefa erlendum teiblurum eitthvað íslenskt að drekka. Ég var alveg sannfærður um að allir hinir Íslendingarnir myndu kaupa Íslenskt brennivín þannig og ég vildi ekki vera alveg eins og endaði með að kaupa tvær kippur af hinum stórgóða Einstök bjór í fríhöfninni. Maggi félagi minn sem er í sexunni var í sömu flugvél ásamt maka sínum henni Möggu (M&M) en flestir Íslendinganna áttu svo flug á miðvikudeginum og síðustu menn á fimmtudeginum. Samtals vorum við Íslendingarnir held ég 16 með mökum og öll Landsstjórnin var að sjálfsögðu skráð til leiks.

Við Maggi og Magga enduðum á því að taka saman leigubíl frá flugvellinum og upp á hótel. Ég átti reyndar ekki bókað fyrstu tvær næturnar á teiblarahótelinu heldur á lágstéttarhótelinu Hotel Pennsylvania sem er öðruvísi hótel en maður er vanur. Það var eins og það væri ekkert búið að viðhalda hótelinu í 40-50 ár fyrir utan lobbýið sem leit ágætlega út. Ég hef aldrei á ævinni beðið jafn lengi í biðröð til að tékk mig inn eins og þarna. Ég var mættur um kl 20 upp á hótelið og eina markmið kvöldsins var að labba upp að Times Square og skoða og fá sér kannski einn ískaldann.

Miðvikudagur

Dagurinn var þaulskipulagður enda var förinni heitið í Jersey Gardens Outlet verslunarmoll sem, þýddi 30 mínútna strætóferð og þar ætlaði ég að eyða deginum. Það er reyndar hægt að mæla með þessarri strætóferð því þetta var eina skiptið sem ég sá Manhattan úr fjarlægð þar sem ég klikkaði á siglingu sem er auðvitað málið ef maður hefur ekki efni á þyrluferð. Meðfylgjandi er töluvert ýkt útgáfa af útsýninu sem ég fékk.

Karlinn var með langan verslunarlista sem var fullur af jólagjöfum og svo átti að finna sér jakka og frakka. Magnús og frú ætluðu líka í mollið og eftir dugnað morgunsins, þegar ég settist niður í hádeginu að fá mér einn ískaldann og eitthvað að snæða þá átti ég í símasamræðum við Magga. Ég ætlaði að fá þau á veitingastaðinn í mollinu sem ég var á en eftir nokkur skeyti þar sem Maggi var ekki að finna veitingastaðinn þá kom í ljós að þau voru stödd í allt öðru molli en ég var á.

Eftir innkaup dagsins, þar sem mér tókst að fylla ný keypta tösku sem var stærri en stóra taskan sem ég fór með út, þá var förinni heitið á veitingastaðinn Dallas Barbeque þar sem ég hitti þau hjú loksins aftur. Þar er fínn matur og boðið upp á hrikalega góða kokteila sem örugglega margir kannast við. Kvöldið endaði á því að við kíktum á hótelbarinn á spjallið en um kvöldið bættist töluvert í hóp Íslendinga.

Fimmtudagur

Ég vaknaði sprækur um morguninn enda búinn að standa mig vel að hlýða konunni sem sagði mér að slappa vel af og sofa vel, enda búinn að glíma við ungbarnaveiki í einn og hálfan mánuð. Það átti þó eftir að breytast. Nú var komið að því að yfirgefa almúgahótelið og færa sig yfir á teiblara hótelið sem var bara í 400 metra fjarlægð. Ég og M&M höfðum óljóst rætt um að kíkja daginn eftir á Ground Zero í skoðunarferð. Ég vildi samt helst leyfa þeim að vera í friði og ákvað því að fara með hópi erlendra teiblara sem ég hitti í lobbýinu. Þetta voru nokkrir Danir, Hollendingur og þjóðverji og í þessari ferð kynntist ég fyrst selfie stick sem síðar fékk íslenska heitið langastöng og var svaka hitt í þessari ferð. Þetta var frábær ferð sem skilaði allnokkrum teiblurum á Facebook vinalistann. Ég mun örugglega snúa upp á höndina á einhverjum þeirra varðandi heimagistingu á næstu árum.
Það er óþarfi að blaðra mikið um Ground Zero en það var hinsvegar nýbúið að opna 9/11 Memorial safnið sem nauðsynlegt er að heimsækja enda ótrúlegir hlutir sem gerðust þarna í turnunum tveimur. Við enduðum túrinn á því að skoða líka Wall street og China Town, fengum okkur hádegismat og sötruðum nokkra bjóra.

Um kvöldið var kominn tími á welcome party sem var fyrsti skipulagði dagskrárliðurinn fyrir utan pretourinn sem var víst mjög flottur. Rétt fyrir partýið þá mætti loksins herbergisfélagi minn hann Árni í sexunni en við tveir þekkjumst vel. Partýið sjálft var slakt því eftir biðröð til að komast inn í skítakulda þá var þetta of lítill skemmtistaður með of hárri tónlist þannig að það var ekki hægt að teibla og kynnast öðrum. Íslenskir skipuleggjendur (sexu menn) mega gjarnan notera þetta hjá sér enda algjörlega nauðsynlegt að geta spjallað á þessum tíma. Ég komst aldrei í góðan fíling þarna en samt voru menn að fá sér eitthvað fram eftir og fórum við nokkrir íslendinganna á Írskan pub áður en menn fóru í koju. Með okkur var Guðjón landsforseti sem var “last man standing” af landstjórum og stóð hann fyrir kaupum á Bloody Mary sem átti að hjálpa okkur fyrir morgunfundinn.

Föstudagur

Landstjórninni tókst auðvitað að sannfæra okkur um að mæta á morgunfund snemma á föstudeginum. Við (Maggi og Árni) vissum ekkert um fundinn en vorum spenntir að sjá hversu hressir þessir fundir væru í svona ferðum. Ég man nú ekki mikið eftir því sem fram fór á fundinum en þetta var bara íslenska stjórnin og það var bjór í boði. Fundarefnið var ekki spennandi. Við snæddum síðan hádegismat með dönsku landsstjórninni í stað þess að fara í lestarferð á einhvern ítalskan pizzastað eða pastastað sem var innifalin í pakkanum. Restin af deginum fór í að skoða American Museum of Natural History með Árna og M&M.

Um kvöldið var síðan svaka fínt föstudagspartý á flottum Írskum stað sem fór þó ekkert allt of vel af stað. Þegar við komum á staðinn sem var mjög stór þá var hann þétt setinn. Ég held að hann hafi verið hálffullur af venjulegu fólki (sem er ekki í Roundtable!) þegar teblara hópurinn upp á ca 280 manns mættu á staðinn. Við stóðum því eins og illa gerðir hlutir til að byrja með en þetta reddaðist allt. Eftir nokkra úrvals þýska hveitibjóra og spjall og stuð þá endaði kvöldið með að flestir voru farnir að dilla sér á dansgólfinu. Sérstaklega þegar þunga rokkið var sett á fóninn.

Laugardagur

Vaknaði allt of snemma til að fara á NTM fundinn sem byrjaði kl 9 að mig minnir, var þó eðlilega seinn. Af hverju þurfa þessir fundir alltaf að byrja svona snemma? Á þennan fund mætti ég með Einstök bjórinn en það hafði aldrei myndast góður tími til að koma honum út. Á þessum tímapunkti var nú samt nokkuð gengið á þá og ca ein kippa eftir. Þar var hins vegar enginn vettvangur sem hentaði í að gefa þennan bjór. Ég reyndi að dreifa honum um fundarsalinn en það voru ekki allir á því að fá sér bjór strax. Fann þó nokkra þyrsta íslendinga og tókst að gefa aðal BandarIkjamanninum honum Robert einn bjór sem hann þáði með þökkum. Eftir hádegi fórum við Árni og M&M t.d. á Red lobster og fengum okkur dýrindis humar, bjór og kokteil.

Um kvöldið var síðan aðal kvöldið með gala dinner og öllu tilheyrandi. 280 manns í salnum í fínum hótelsalnum. Menn rigguðu upp smóking gallanum og ásinn klikkaði nú ekki á því. Gala dinnerinn var mjög skemmtilegur, svona ekta árshátíðarstemming og mikið spjallað. En þegar gleðin stóð sem hæst um kl 00.30 þá átti ballinu að ljúka og þeir sem vildu halda áfram áttu að fara á einhvern næturklúbb. Það voru ekki allir á því og þar á meðal við Íslendingarnir og eftir að DJ-inn fór þá greip Árni snillingur til síns ráðs og hélt tónlistinni gangandi í salnum með símanum, spotify, bluetooth hátalara og hlóðnema salsins sem var tengdur hátalarkerfinu. Þannig hélt Árni hlóðnemanum, og hátlaranum þétt saman og dillaði sér við músíkina og hélt þannig stuðinu gangandi í nær klukkustund í viðbót. Þetta var legendary snilld.

Sunnudagur

Dagurinn hófst með brunch á ameríska dinernum í lobbíi hótelsins sem var innifalið í helgarpakkanum. Síðan var ferðinni heitið í Central park göngutúr með M&M í frábæru veðri sól og blíðu eftir skítakulda í byrjum ferðar. Dagurinn endaði síðan á því að ég labbaði allt 5th Avenue og upp á hótel og beint upp á flugvöll.

Þar með lauk þessari skemmtilegu ferð á NTM 2014. Þegar á heildina er litið þá tókst ásunum í New York að skipuleggja ágætis NTM þó ýmislegt hefði betur mátt fara eins og talið var upp hér að framan. Danirnir eiga síðan heiður skilinn fyrir að mæta um 120 manns á fundinn en þeir charteruðu einmitt ásana í New York og ákváðu því að fjölmenna. Einnig fannst mér skipuleggjendur nær ósýnilegir því ég hitti bara og sá tvo þeirra, hann Martein okkar og svo hann Robert sem margir þekkja. Að lokum má gagnrýna að þeir voru búnir að lofa að taka á móti okkur upp á flugvelli og fannst okkur Magga það skrítið þegar enginn tók á móti okkur tveimur. Flugvöllurinn er nú ekki langt frá borginni.

Ykkar í teibli,

Garðar Hólm Kjartansson

RT-1

Daníel Eðvaldsson 10/3/15 Daníel Eðvaldsson 10/3/15

Ferðasaga RT7 – Euromeeting Haugesund 2015

Tveir góðir félagar úr RT7 lögðu af stað á Euromeeting í Haugesund þann 18. maí 2015. Haldið var frá Akureyri um hádegisbil með með góðum dreng sem reddaði okkur fari á Toyota Yaris sem varla var nógu stór fyrir ferðatöskurnar okkar. Þegar komið var til Reykjavíkur tók öðlingurinn Kristinn Guðjónsson fráfarandi sjoppustjóri á móti okkur og unnið var í því að grynnka á lagernum hjá kallinum. Meistarinn skutlaði okkur svo til Keflavíkur þar sem snætt var á Tai Keflavík áður en Kiddi hélt heim á leið. Gulli Kára varaforseti RTÍ sýndi okkur svo hvernig barirnir virka í Keflavík á mánudagskvöldum. Kría í nokkra tíma áður en haldið var á flugvöllinn.

Fimm tímum seinna, fyrsti bjór tekinn á nýjum flugvallarbar á KEF Airport kl. 6:15. Lent var í Stavanger nokkrum bjórum síðar. Þar sem pretourinn var aðeins planaður fyrir einn dag, þ.e. fimmtudag ákváðum við að gera úr þessu okkar eigin pretour og hitta vini og ættingja í Norge. Dagana í Stavanger brölluðum við margt skemmtilegt, fórum við m.a. á Cardinalinn (allir sem koma til Stavanger ættu að fara þangað, mælum með Leffe Royal á Cardinalnum J), keilu, olíusafnið, Viking stadium, slátrarinn (dýrasta nautakjöt í heimi, en það var þess virði) og ófáir pöbbarnir voru teknir út en þar fór Gestur á höfuðið!

Á fimmtudagsmorgni hófst svo RT7 pretourinn. Við hittum RT7 liðið á bryggjunni í Stavanger og var ferðinni heitið á Preikestolen. Ásamt okkur voru mættir Idar skipuleggjandi úr RT7 í Haugesund og svo nokkrir frá RT7 klúbbnum í Hannover. Myndirnar hér að neðan segja það sem segja þarf um pretourinn!!

Um hádegisbil á föstudegi var svo haldið til Haugesund. Sóttir á rútubílastöðina af Kjetil (þó ekki Kjetil Andre Omot) og okkur skuttlað í bankann (hótelið sem er sett upp í gömlum banka). Vorum snöggir að koma okkur fyrir og fljótir niður á barinn þar sem við tókum stöðuna á liðinu. Svo var haldið í heimapartý þar sem vel var gert við sig í mat og drykk og stóðu Norðmennirnir sig vel þar. Að loknum heimapartýum var svo haldið í klúbbhús RT7 í Hagesund þar sem partýið hélt áfram. Flestir fóru í bæinn, en sumir komust ekki inn sökum…

Á laugardegi vöknuðu félagarnir aðeins of seint og náðu ekki að taka í spaðann á borgarstjóranum sem var fyrstur á dagskránni. Við náðum þó liðinu á leiðinni frá ráðhúsinu og haldið var af stað í city rally sem reyndar var bátsferð í víkingaþorpið Avaldsnes, lítið var þó í gangi þar og þorðu Norsku víkingarnir greinilega ekki í þá íslensku. Að bátsferðinni lokinni tók við Banner lunch þar sem að við félagarnir fórum á kostum með söngatriði og uppskárum une point. Skemmtiatriðin voru fjölbreytt og ansi furðuleg sum hver. Tekin var keppni í sjómann til að krýna „the true Viking“ eins og þeir kölluðu það, Níels vann Svía og tapaði svo fyrir Dananum sem sigraði keppnina, Gestur bara tapaði (var mútað eða það segir hann). Nokkuð margir bjórar höfðu verið slegnir á þessum tímapunkti og því þynnist mynnið. Old tablers partý um kvöldið, Níels týndist en fannst aftur, dansað var uppi á sviði, sumir berir að ofan, kebab pítsa!!

Á sunnudegi vöknuðu félagarnir á réttum tíma. Haldið var í Viking Picknick sem haldið var á slóðum Hrafnaflóka sem við Íslendingar þekkjum vel. Skoðuð var gömul herstöð sem er á svæðinu og svo var skipt í lið þar sem teknir voru nokkrir góðir leikir/þrautir til að hrista saman mannskapinn. Þess má geta að það rigndi aðeins á meðan, og aðeins upp í okkur. Að því loknu var boðið upp á dýrindis grillmat og bjór frá RT félögum héðan og þaðan um evrópu (hluti af mótsgjaldinu var ein kippa af bjór, local, frábær hugmynd). Að loknu Viking Pickninc var haldið aftur í bankann þar sem við gerðum okkur klára fyrir gala dinnerinn. Gala dinnerinn var allur hinn flottasti, ræðuhöld og verðlaunaafhendingar (engir bikarar þó til þar sem Gestur var búinn að stela þeim öllum). Að lokinni flottri dagskrá var haldið í bæinn þar sem partýinu var haldið áfram fram undir morgun.

Vöknuðum á mánudagsmorgni, ekki í okkar besta formi. Farewell brunchinn olli vonbrigðum og dagurinn var eftir því… ferðalagið heim framundan.