Kæru félagar,
Ég hef ákveðið að bjóða mig fram til siðameistara Roundtable á Íslandi.
Ég byrjaði í Roundtable 4 á Húsavík vorið 2007 og eftir að hafa eldað þriggja rétta máltíð fyrir klúbbinn þegar ég var tekinn inn ásamt öðrum skemmtilegum verkum. Ég hef allt frá upphafi  verið  þátttakandi  í stjórn klúbbsins,  fyrstu árin tvö sem gjaldkeri svo varaformaður og formaður og gegni núna þetta árið stöðum  IRO, hússtjóra, stallara og bjórstjóra.
Ég er fæddur í Reykjavík þann fallega dag 19. September 1974 og er sem sagt að nálgast árin 38.

 Er giftur Jónu Kristínu Gunnarsdóttur í næstum áratug. Við Jóna eigum fjögur börn, Margréti Nínu (12 ára), Alexöndru Ödu (11 ára), Emmu Þöll (8 ára) og Gunnar Bjarka (4ára). Við búum saman í Grafarbakka á Húsavík. Ég er lærður skrúðgarðyrkjutæknir og starfa við það hjá fyrirtæki mínu, Garðvík ehf. www.gardvik.is. Ég hef sinnt ýmsum félagsstörfum í gegnum árin á Húsavík ; t.d. knattspyrnuráð meistarflokka Völsungs kk og kvk, formennsku Bridgefélags Húsavíkur í áraraðir, starfað í ýmsum nefndum og ráðum Húsvíkurbæjar og nú sveitarfélagsins Norðurþings og er í stjórn SANA samtök atvinnurekanda á norðausturlandi.

Kæru teiblarar,

ég óska eftir stuðningi  ykkar í starf siðameistara. Mitt mottó er, klárum fundi og skemmtum okkur svo.